នាព្រឹកថ្ងៃអង្គារ ៤កើត​ ​ខែមាឃ ​ឆ្នំាថោះ ​បញ្ចស័ក ​ព.ស.២៥៦៧ ​ត្រូវនឹងថ្ងៃទី១៣ ​ខែកុម្ភៈ ​ឆ្នំា២០២៤ ​នៅសណ្ឋាគារហ្គាឌិន ​ស៊ីធី ​លោក ​កែវ ​សុខា ​ប្រធានមន្ទីរសេដ្ឋកិច្ចនិងហិរញ្ញវត្ថុខេត្តកោះកុង ​បានអញ្ជើញចូលរួមកិច្ចប្រជុំត្រួតពិនិត្យប្រចំាឆ្នំា២០២៣ ​នៃកម្មវិធីកែទម្រង់ហិរញ្ញវត្ថុសាធារណៈ ​ដំណាក់កាលទី៤ ​ក្រោមអធិបតីដ៍ខ្ពង់ខ្ពស់ឯកឧត្តមអគ្គបណ្ឌិតសភាចារ្យ ​អូន ​ព័ន្ធមុន្នីរ័ត្ន ឧបនាយករដ្ឋមន្រ្តី ​រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ​និងជាប្រធាន ​គ.ហ.ស.។

"ឆ្លងកាត់ការអនុវត្តអស់រយៈពេលជាង ២០ឆ្នំា រហូតមកដល់ដំណាក់កាលទី៤ នៅពេលនេះ កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈសម្រេចបានវឌ្ឍនភាពជាច្រើន គួរជាទីមោទនៈ។ សមិទ្ធផលដ៍សំខាន់បំផុតមួយ ក្នុងពេលថ្មីៗ ចុងក្រោយនេះគឺ ការណ៍ដែលកម្ពុជាបានពុះពារជម្នះឆ្លងកាត់បានដោយជោគជ័យ នូវវិបត្តិកូវីដ-១៩ ខណៈស្ថានភាពហិរញ្ញវត្ថុសាធារណៈរបស់ជាតិ ត្រូវបានរក្សាក្នុងសភាពរឹងមំាល្អ ស្របពេលដែលប្រទេសមានការអភិវឌ្ឍតិចតួច មួយចំនួនទៀតនៅលើពិភពលោក ថ្វីត្បិតថាអាចឆ្លងវិបត្តិជាសកលនេះ បានជោគជ័យក៍ពិតមែន ប៉ុន្តែបានធ្លាក់ជាប់ផុងក្នុងស្ថានភាពបំណុលកម្រិតខ្ពស់" ​នេះបើយោងតាមការលើកឡើងរបស់ ​ឯកឧត្តមអគ្គបណ្ឌិសភាចារ្យ ឧបនាយករដ្ឋមន្រ្តី ​រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ។

ក្នុងកិច្ចប្រជុំនេះ ​មានការចូលរួមពីសំណាក់ឯកឧត្តម ​លោកជំទាវ ​សមាជិក ​សមាជិកា ​នៃរាជរដ្ឋាភិបាល ​ឯកឧត្តមអគ្គរដ្ឋទូតប្រតិភូសភាអឺរ៉ុប ​និងជាតំណាងដៃគូអភិវឌ្ឍន៍ ​ឯកឧត្តម ​លោកជំទាវ លោក លោកស្រី ​ថ្នាក់ដឹកនំា ​និងមន្រ្តីរាជការ ​នៃក្រសួង-ស្ថាប័ន ​ដៃគូអភិវឌ្ឍន៍ ​ឯកឧត្តម ​លោកជំទាវ អភិបាល នៃគណៈអភិបាលរាជធានី -ខេត្ត ​និងតំណាងអង្គការមិនមែនរដ្ឋាភិបាល។