កិច្ចប្រជុំបូកសរុបវឌ្ឍនភាពការងារ និង ពិនិត្យពិភាក្សាលើបញ្ហាប្រឈម ព្រមទាំងសំណូមពរនានាពាក់ព័ន្ធនឹងការអនុវត្តការងាររបស់មន្ទីរសេដ្ឋកិច្ចនិងហិរញ្ញវត្ថុរាជធានី-ខេត្តទាំង ២៥

អ្នកនិពន្ធ: admin
កាលបរិច្ឆេទ: ថ្ងៃពុធ ទី២៩ ខែមីនា ឆ្នាំ ២០២៣

រាជធានីភ្នំពេញ៖ នាព្រឹកថ្ងៃ ពុធ ៨កើត ខែ ចេត្រ ឆ្នាំ ខាល ចត្វាស័ក ព.ស ២៥៦៦ ត្រូវនឹងថ្ងៃទី ២៩ ខែ មីនា ឆ្នាំ ២០២៣, លោក កែវ សុខា ប្រធានមន្ទីរសេដ្ឋកិច្ច និងហិរញ្ញវត្ថុខេត្តកោះកុង ព្រមទាំងក្រុមការងារ បានចូលរួមកិច្ចប្រជុំបូកសរុបវឌ្ឍនភាពការងារ និង ពិនិត្យពិភាក្សាលើបញ្ហាប្រឈម ព្រមទាំងសំណូមពរនានាពាក់ព័ន្ធនឹងការអនុវត្តការងាររបស់មន្ទីរសេដ្ឋកិច្ចនិងហិរញ្ញវត្ថុរាជធានី-ខេត្តទាំង ២៥ ប្រចាំឆ្នាំ ២០២២ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម មាស សុខសេនសាន  អគ្គលេខាធិការ នៃអគ្គលេខាធិការដ្ឋានក្រសួងសេដ្ឋកិច្ចនិងហិរញ្ញវត្ថុ និង ជាតំណាងដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋមន្ត្រីប្រតិភូអមនាយករដ្ឋមន្ត្រី និង ជារដ្ឋលេខាធិការនៃក្រសួងសេដ្ឋកិច្ចនិងហិរញ្ញវត្ថុ និង មានការចូលរួមពីតំណាងអគ្គនាយកដ្ឋានគន្លឹះពាក់ព័ន្ធដូចជា អគ្គនាយកដ្ឋានរតនាគារជាតិ, អគ្គនាយកដ្ឋានថវិកា, និង អគ្គនាយកដ្ឋានលទ្ធកម្មសាធារណៈ ថ្នាក់ដឹកនាំ និង មន្ត្រីជំនាញនៅថ្នាក់កណ្តាល ព្រមទាំងមន្ទីរសេដ្ឋកិច្ចនិងហិរញ្ញវត្ថុទាំង ២៥ រាជធានី-ខេត្ត ផងដែរ ។ 

របៀបវារៈនៃកិច្ចប្រជុំនេះរួមមាន៣ ចំណុចដូចខាងក្រោម៖ 
១. វឌ្ឍនភាពការងារ និង បញ្ហាប្រឈមពាក់ព័ន្ធនឹងការអនុវត្តការងារក្នុងឆ្នាំ ២០២២ កន្លងទៅ និង ការសំណូមពរនានា 
២. ការកំណត់ទិសដៅ និង ផែនការការងារដែលត្រូវអនុវត្តបន្តក្នុងឆ្នាំ ២០២៣ និង ឆ្នាំបន្តបន្ទាប់
៣. ផ្សេងៗ។